Ta’lim sifatini ta’minlash markazi xodimi

Jahon School Ta’lim sifatini ta’minlash markaziga mas’uliyatli va tahliliy fikrlay oladigan mutaxassisni ishga taklif etadi.

Ushbu lavozim maktabdagi ta’lim jarayonlari sifati, o‘qituvchilar faoliyati va ichki standartlarga rioya etilishini nazorat qilishda muhim ahamiyatga ega.
Agar siz e’tiborli, tizimli ishlay oladigan va ta’lim sifatini oshirishga hissa qo‘shishni istaydigan mutaxassis bo‘lsangiz — sizni jamoamizda kutamiz!

Diqqat! Rezyume (CV) qoldirmagan nomzodlarning arizalari ko‘rib chiqilmaydi.
Ariza shakli sahifaning pastki qismida joylashgan — iltimos, qaysi lavozimga murojaat qilayotganingizni aniq ko‘rsating.
Tezkor javob olish uchun telefon raqamingiz, elektron pochtangiz va rezyumeni to‘liq kiriting.

Asosiy vazifalar:

• Ta’lim jarayonining sifatini nazorat qilish va ichki audit tizimini yuritish;
• O‘qituvchilar faoliyatini belgilangan standartlarga muvofiq tahlil qilish;
• Har oy belgilangan darslarni kuzatish va monitoring qilish;
• Kuzatuvlar asosida kunlik, haftalik va oylik hisobotlar tayyorlash (o‘rtacha ball, past ko‘rsatkichlar, takroriy kamchiliklar);
• O‘quvchilarning bilim darajasini baholash jarayonlarini kuzatish;
• Sifat bo‘yicha tahliliy ma’lumotlar va hisobotlarni tayyorlash;
• Maktab ichki reglamenti va sifat standartlariga rioya etilishini ta’minlash;
• Gamifikatsiya (“jon”) tizimi bo‘yicha ustozlardan kelib tushgan so‘rovlarni ko‘rib chiqish va asosli qarorlar qabul qilish;
• Sifat nazorati testlari hamda o‘quv yili boshi va oxiridagi A/B nuqta testlariga tayyorgarlik ko‘rish, tashkil etish va natijalarni e’lon qilish.

Talablar:

• Oliy ma’lumot (pedagogika, menejment yoki tegishli yo‘nalishlar afzal);
• Ta’lim sohasida yoki sifat nazorati yo‘nalishida 1–3 yillik ish tajribasi;
• Tanqidiy va tahliliy fikrlash, e’tiborli va kuzatuvchan bo‘lish;
• Hisobotlar bilan ishlash va ma’lumotlarni tahlil qila olish;
• Kompyuter dasturlarini (Word, Excel, Google Sheets) yaxshi bilish;
• Jamoada ishlay olish, mas’uliyatli va intizomli bo‘lish;
• O‘rganishga va bilimlarini boshqalarga o‘rgatishga tayyor bo‘lish;
• Mustaqil qaror qabul qila olish va qarorlar uchun javobgarlikni o‘z zimmasiga ola bilish;

• Ingliz yoki rus tilini bilish ustunlik beradi.
   

  Qo‘shimcha afzalliklar:

• Kreativ fikrlash va yangi g‘oyalar taklif qila olish;
• Muammolarga tezkor va samarali yechim topish qobiliyati;
• Xatolardan to‘g‘ri xulosa chiqarib, ularni takrorlamaslik;
• Izlanuvchanlik va professional o‘sishga bo‘lgan kuchli istak.

Biz taklif qilamiz:

• Suhbat asosida kelishiladigan raqobatbardosh maosh;
• Ish vaqti: 08:45 – 18:00, dushanbadan shanbagacha (shanba – yarim kun);
• Sinov muddati: 2 oy (aniq baholash mezonlari asosida);
• ATTO transport kartasi va bepul tushlik;
• Kasbiy va lavozim bo‘yicha o‘sish imkoniyatlari;
• Do‘stona muhit, tizimli ish jarayoni va rivojlanayotgan jamoa.