Ta'lim sifatini ta'minlash markazi xodimi

Jahon School Ta’lim sifatini ta’minlash markaziga xodim qidirmoqda.

Jahon School Ta’lim sifatini ta’minlash markaziga mas’uliyatli, tahliliy fikrlay oladigan va sifat nazoratiga jiddiy yondashadigan mutaxassisni ishga taklif etadi.

Ushbu lavozim ta’lim jarayonining sifatini monitoring qilish, ichki audit tizimini yuritish hamda o‘qituvchilar faoliyatini belgilangan standartlar asosida tahlil qilish kabi muhim vazifalarni o‘z ichiga oladi. Agar siz adolatli, e’tiborli va natijaga yo‘naltirilgan mutaxassis bo‘lsangiz — sizni jamoamizga taklif qilamiz.

Diqqat! Rezyume qoldirmagan nomzodlar ko‘rib chiqilmaydi. Ariza topshirishda qaysi lavozimga murojaat qilayotganingizni aniq ko‘rsating.

Ariza shaklida qaysi lavozimga murojaat qilayotganingizni aniq ko‘rsating. Tezkor javob olish uchun telefon raqamingiz, elektron pochtangiz va to‘liq rezyumeni kiriting.

Asosiy vazifalar:

• Ta’lim jarayonining sifatini nazorat qilish va ichki audit tizimini yuritish;
• O‘qituvchilar faoliyatini standartlarga muvofiq tahlil qilish;
• Har oy belgilangan darslarni kuzatish va monitoring qilish;
• Kuzatuv natijalari bo‘yicha kunlik, haftalik va oylik hisobotlar tayyorlash (o‘rtacha ball, past ko‘rsatkichlar, takroriy kamchiliklar);
• O‘quvchilarning bilim darajasini baholash jarayonlarini nazorat qilish;
• Sifat bo‘yicha tahliliy ma’lumotlar va hisobotlar tayyorlash;
• Ichki reglament va sifat standartlariga rioya etilishini ta’minlash;
• Gamifikatsiya (“jon”) tizimini nazorat qilish, ustozlar tomonidan yuborilgan so‘rovlarni ko‘rib chiqish va asosli qaror qabul qilish;
• Sifat nazorati testlari, o‘quv yili boshidagi va oxiridagi (A/B nuqta) testlarni tashkil etish, o‘tkazish va natijalarini tahlil qilish.

Talablar:

• Bakalavr darajasi (pedagogika, menejment yoki tegishli yo‘nalishlar afzal);
• Ta’lim yoki sifat nazorati sohasida 1–3 yil ish tajribasi;
• Tanqidiy-tahliliy fikrlash va kuzatuvchanlik;
• Hisobotlar tayyorlash ko‘nikmasi;
• Word, Excel, Google Sheets dasturlarida ishlay olish;
• Jamoada ishlash va mas’uliyat bilan yondashish;
• Erkin qaror qabul qila olish va qaror mas’uliyatini o‘z zimmasiga olish;
• Ingliz va rus tillarini bilish ustunlik beradi;
• Kreativlik, izlanish va o‘sishga intilish.

Biz taklif qilamiz:

• Suhbat asosida belgilanadigan raqobatbardosh oylik maosh;
• Ish joyi: Tinchlik metrosi yaqinida, Beruniy shoh ko‘chasi, 83;
• Ish vaqti: Dushanbadan Shanbagacha, 09:00 – 18:00;
• Mazali tushlik kompaniya hisobidan;
• Kasbiy va shaxsiy o‘sish imkoniyatlari;
• Do‘stona jamoa, korporativ tadbirlar va timbildinglar.