Sifat nazorati

Jahon School o‘zining Ta’lim sifatini ta’minlash markaziga mas’uliyatli, tahliliy fikrlaydigan va ta’lim sifatini nazorat qilish bo‘yicha tajribaga ega mutaxassisni qidirmoqda.

Ushbu lavozim ta’lim jarayonining sifatini monitoring qilish, o‘qituvchilar faoliyatini tahlil qilish hamda ichki audit va sifat standartlariga rioya etilishini ta’minlash uchun muhim pozitsiya ҳисобланади.
Agar siz diqqatli, tizimli ishlay oladigan va ta’lim sifatini oshirishga hissa qo‘shishni istaydigan mutaxassis bo‘lsangiz — sizni jamoamizga taklif etamiz!

📌 Diqqat! Agar rezyume/ma’lumotnoma qoldirmasangiz, sizning nomzodligingiz ko‘rib chiqilmaydi.
Ariza shakli eng pastki qismda joylashgan bo‘lib, iltimos, unda qaysi lavozimga murojaat qilayotganingizni aniq ko‘rsating.
Tezroq javob olishni istasangiz, elektron pochtangiz, telefon raqamingiz va rezyumeni to‘liq kiriting.

Asosiy vazifalar:

• Ta’lim jarayonining sifatini nazorat qilish va ichki audit tizimini yuritish;
• O‘qituvchilar faoliyatini belgilangan standartlar asosida tahlil qilish;
• Har oy belgilangan darslarni kuzatish va monitoring olib borish;
• Kuzatuvlardan so‘ng aniqlangan kamchiliklar bo‘yicha kunlik va haftalik hisobotlar tayyorlash;
• Har oy kuzatuv natijalari bo‘yicha umumiy hisobot tayyorlash (o‘rtacha ballar, past ko‘rsatkichlar va takrorlangan kamchiliklar tahlili);
• O‘quvchilarning bilim darajasini baholash jarayonlarini nazorat qilish;
• Sifat bo‘yicha hisobotlar va tahliliy ma’lumotlarni tayyorlash;
• Maktab ichki reglamenti va sifat standartlariga rioya etilishini ta’minlash;
• Gamifikatsiya (“jon”) tizimi bo‘yicha ustozlardan kelgan jon qo‘shish va ayirish so‘rovlarini tekshirish, asosli bo‘lsa tasdiqlash, asossiz bo‘lsa rad etish;
• Sifat nazorati testlari hamda o‘quv yili boshidagi va oxiridagi A/B nuqta testlarini tashkil etish, o‘tkazish, natijalarni tekshirish va e’lon qilish.

Talablar:

• Oliy ma’lumot (pedagogika, menejment yoki tegishli yo‘nalishlarda);
• Ta’lim sohasida yoki sifat nazorati yo‘nalishida kamida 1 yildan 3 yilgacha ish tajribasi;
• Tanqidiy-tahliliy fikrlash va kuchli kuzatuvchanlik;
• Hisobotlar tayyorlash ko‘nikmasi;
• Word, Excel va Google Sheets dasturlarida ishlay olish;
• Jamoada ishlash va mas’uliyat bilan yondashish;
• Yangi bilimlarni tez o‘rganish va boshqalarga o‘rgata olish;
• Mustaqil qaror qabul qila olish va javobgarlikni zimmasiga ola bilish;
• Ingliz tili va rus tilini bilish ustunlik beradi;
• Kreativ fikrlash va muammolarga yechim taklif qila olish;
• Xatolardan to‘g‘ri xulosa chiqaradigan va rivojlanishga intiladigan bo‘lish.

Biz taklif qilamiz:

Ish vaqti: Dushanbadan Shanbagacha, 08:45 – 18:00;

Ofisda to‘liq bandlik;

Maktab hisobidan bepul tushlik;

Kasbiy va shaxsiy o‘sish imkoniyatlari;

Do‘stona jamoa va rivojlanishga yo‘naltirilgan ish muhiti;

Suhbat asosida kelishiladigan raqobatbardosh maosh