Murabbiy (katta sinflar)

Jahon School o‘z pedagogik jamoasiga mas’uliyatli, mehribon va tashkiliy ko‘nikmalarga ega Murabbiy (Tyutor)ni ishga taklif etadi.

Ushbu lavozim o‘quvchilarni tarbiyaviy va ijtimoiy jihatdan qo‘llab-quvvatlash, sinf ichidagi muhitni sog‘lom tashkil etish hamda maktab–o‘quvchi–ota-ona o‘rtasidagi samarali aloqani ta’minlash uchun muhim hisoblanadi.

Agar siz bolalar bilan ishlashni sevadigan, mas’uliyatli va ta’lim sohasida rivojlanishni istaydigan mutaxassis bo‘lsangiz — sizni jamoamizga taklif etamiz!

Diqqat! Rezyume (CV) yoki ma’lumotnoma qoldirilmagan nomzodlar ko‘rib chiqilmaydi.
Ariza shaklida murojaat qilinayotgan lavozim nomini aniq ko‘rsatish, shuningdek, aloqa ma’lumotlari va to‘liq rezyumeni kiritish majburiy.
Tezkor javob olish uchun elektron pochta va telefon raqamingizni to‘liq yozing.

Asosiy vazifalar:

• Biriktirilgan sinf o‘quvchilarining tarbiyaviy va ijtimoiy rivojlanishini nazorat qilish;
• Sinf rahbari sifatida o‘quvchilar intizomi, davomat va ichki tartibga rioya etilishini ta’minlash;
• O‘quvchilar bilan individual va guruhli tarbiyaviy suhbatlar olib borish;
• Ota-onalar bilan muntazam aloqa o‘rnatish, uchrashuvlar va yig‘ilishlar tashkil etish;
• Maktab ichki tadbirlari, loyihalar va sinfdan tashqari faoliyatlarni muvofiqlashtirish;
• O‘quvchilar bilan bog‘liq ma’lumotlar va hisobotlarni yuritish;
• Maktab ma’muriyati va fan o‘qituvchilari bilan hamkorlikda ishlash;
• O‘quvchilar xavfsizligi va farovonligini ta’minlash.

Talablar:

• Pedagogika, psixologiya yoki ta’lim yo‘nalishida ma’lumot (yoki tegishli tajriba);
• Murabbiy, tyutor yoki sinf rahbari sifatida ish tajribasi — afzallik;
• Bolalar bilan ishlashda sabr-toqatli, mehribon va mas’uliyatli bo‘lish;
• Tashkiliy va muloqot ko‘nikmalariga ega bo‘lish;
• Ota-onalar bilan to‘g‘ri va professional muloqot qila olish;
• Hujjatlar va hisobotlar bilan ishlash qobiliyati;
• Jamoada ishlay olish va mustaqil qaror qabul qilish ko‘nikmasi.

Biz taklif qilamiz:

• Suhbat asosida belgilanadigan raqobatbardosh oylik maosh;
• Barqaror ish o‘rni va professional pedagogik muhit;
• Ish vaqti: Dushanbadan jumagacha 08:30 – 18:00
  shanba qisqartirilgan ish kuni;
• Mazali tushlik kompaniya hisobidan;
• Ta’lim sohasida kasbiy va shaxsiy o‘sish imkoniyatlari;
• Do‘stona jamoa, maktab tadbirlari va timbildinglar.